話說, 特首在留言板留言提醒大家要 re-men-吧星期五記得去打茶, 仲叫大家比下面, 一定要到, 又話如果睇唔明就到時開估, 點知原來唔驚唔驚, 就係咁出o左一聲.

o個晚一去到小苑, 大家依舊各顧各的...叫茶o既叫茶, 叫麵o既叫麵, 噴口水o既依然照噴口水, 但見到菲菲與特首與平時有些少唔同, 頻頻交頭接耳, 細語融融, 狀甚親暱, 手拿一大疊文件翻來翻去, 似在傾什麼酒席...定唔知酒水....之類, 總之係咁上下啦.

如是者一路至將近埋單時大家諗住科款之際, 特首卻來一個迅雷不及掩耳把賬單搶過去,並正式宣佈原來當晚是他和菲菲的大好日子前過[文定](嘻嘻, 唔識文定係咪咁寫, 如果唔係請不吝來函指正)之日. 所以非常高興咁話, 大家唔洗比錢打茶 !

眾人一聽之下, 齊聲都話, 估唔到佢兩個平時密密實實, 原來暗地裡發展了一段奇戀. 難怪早排已有屈得金記者偷拍到他倆之親暱鏡頭, 只是礙於未有真憑實據前不便公開而已.

事到如今, o既然他倆自行主動公開並宣佈大好日子在聖誕前後附近, 筆者亦唔怕把早日偷拍得之玉照公開如上, 由此可見他倆之關係實早已有跡可尋. 話時話, 唔知下星期五會唔會係過大禮o既大好日子, 小苑條數我地又唔洗找 ? 係又唔錯, 總之一句, 謹代表屈得金ほ人, 恭喜晒呢對新人, 並祝佢地從此快快樂樂咁生活落去.

真係羨煞幾許傍人 !!

最後, 第九波已在千禧年最後一天之大除夕夜在一片歡樂倒數聲中一共44人一起渡過, 而且當晚的競猜遊戲由 XO仔 奪得大獎, 豪城餐廳二人餐票一張.