Ons
vergaderings:
24 Maart te
Worcester se seiljagklub by die Brandvlei dam
23 Junie BARK
se AJV by Olivier in die Agter Paarl.
15 September
weer in Die Strand
24 November ons
laaste vergadering by Olivier in die Agter Paarl
Wat geleenthede
betref waar BARK beslis teenwoordig gaan wees is op 2 Junie wanneer
die RTA weer in die Wes Kaap en waarskynlik te Stellenbosch
aangebied sal word.
Laas jaar het
22 van ons lede hierdie geleentheid bygewoon en ek vertrou dat ons
hierdie jaar nog meer van u daar sal sien.
Dan bied BARK
die RAE kursus aan in 2de helfte van jaar. Die afgelope kursus wat
deur Karl ZS1KC en Clyde ZS1CS aangebied is, het besondere byval
gevind by die kursusgangers en ek vertrou dat hierdie manne weer so
gaan maak in 2007.
Wat geleenthede
betref waar BARK beslis ‘n aandeel moet hê is ons eie BARK 40m foon
kompetisie wat hierdie jaar op 22 Julie plaasvind. Hierdie
kompetisie raak nou uiters gewild en ons kry logstate van regoor die
land BEHALWE van BARK lede. Ja, u het reg gehoor tydens ons BARK
kompetisie laas jaar het daar nie een enkele inskrywing van ‘n
Boland lid gekom nie. Ek hoop nie dit is hierdie jaar weer die geval
nie!
Die 3de naweek
van Augustus vind die jaarlikse vuurtoring naweek plaas. Hierdie
jaar is dit dan op die 18de en 19 de Augustus 2007. Soos
gewoonlik beweeg ‘n paar van ons na die mees Suidelike punt in
Afrika en bedien ‘n stasie van af L Agulhas vuurtoring. Maar
behalwe L Agulhas is daar nog ‘n hele aantal vuurtorings om die
Kaapse kus waar daar stasies opgerig kan word. BARK besit nog
steeds die roepsein ZS1TB en dit sal wonderlik wees as meer van ons
lede by hierdie naweek wil inskakel en ‘n stasie wil bedryf.
Die 3de
Saterdag van Oktober is dit die jaarlikse CQ Hou Koers. Hierdie
jaar sal dit die 20ste Oktober wees. Johan ZS1RX is die dryfveer
agter hierdie geleentheid en u kan hom gerus kontak nader aan die
tyd en reël vir ‘n Voortrekker kommando om op die lug te wees.
Wat ekspedisies
betref gaan ‘n paar van ons gedurende April op ‘n uitstappie na
Gamkaskloof of dan beter bekend as Die HEL. Op ‘n soortgelyke
geleentheid in 2001 was ons doelwit om ‘n WAZS te verwerf maar kon
ons ongelukkig nie daarin slaag nie. Hierdie jaar gaan ons die
geleentheid ‘n bietjie langer maak en weereens poog om 100 QSL
kaarte te haal vir ‘n WAZS.
Die geleentheid
sal hom voordoen vanaf 27 April tot 1 Mei. Ek gaan dit nog met die
komitee uitklaar maar ons dink ook daaraan om ‘n spesiale QSL kaart
te druk aan elke BARK lid wat daardie naweek met ons kontak maak.
Natuurlik ons
GROOT geleentheid van die jaar sal weer plaasvind op die Vrydag en
Saterdag van 23 en 24 November waar Bennie ZR1JHD vir ons weereens
‘n kompetisie gaan saamstel soortgelyk aan die een vroeg in Desember
laas jaar. Hierdie geleentheid was uiters gewild en met goeie pryse
is dit beslis nie ‘n geleentheid om mis te loop nie. Die reëls sal
natuurlik nader aan die tyd aangekondig word.
Voorts net so
‘n paar ander amateur verwante gebeure wat hierdie jaar plaasvind en
waar ek graag meer BARK betrokkenheid sou wou sien:
10 to 11
Februarie: Die SARL HF Veldstasie kompetisie
4 Maart: Hamnet
40m kompetisie
5 April: SARL
80m QSO Party
16 Junie:
Jeugdag stasies regoor die land
5 Augustus:
SARL HF foon kompetisie
15 tot 16
September: SARL BHF kompetisie
4 Oktober: SARL
80m QSO party
17 tot 18
November: SARL HF veldstasies.
73 Rassie,
ZS1YT
