雀爺懷舊篇-上集

雀爺懷舊篇上集 - 百幾萬的Hi-Fi

是夜不單煙雨凄迷，竟既冷且凍，一個連老鼠都不敢出洞的晚上，卻在飯堂聚集了十九幾人飲食吹水。上校一時興起，搞了一煲偷香洩慾之肉骨茶，一眾人等不斷研究其美味之處..... (此處由於與本案無關而省略三千字) 話說班友飲飽食醉，已經凌晨，本來大家諗住返歸早D入被竇，甚至可以發揮下傳說中肉骨茶的神秘力量，點知竟有人提議去參觀及鑑賞一套價值百九幾萬港元之 HiFi（冇作大，真係一百九十幾萬）於是乎又浩浩蕩蕩向火炭操去。(此處亦是由於與本案無關而又省略三千字)董事長唔咋形，鄰居又明白事理冇投訴的話，呢班人真係識得過！）.......... 以上節錄自出名推車之文壇老手 ??醬

一眾 HAM 友成十架車於子夜時分抵達火炭工業區成龍大哥的車房附近一座工業大廈停車場入口處, 頓時把好夢正酣的看更亞伯嚇到跳起, 以為有人來爆廠(還是搬廠搬寫字樓??). 定一定神之後, 亞伯一於無面比, 每架車收十蚊雞入場費至放行. 泊好車, 上到去一間幾"骨子"的寫字樓, 亞雀招呼我地入去一間經過特別精心設計及隔音處理的試音室坐下.

嘩!唔係下話 ? 好....犀......利.......呀 !!!!!!!!!!!

X+Y	"o下 ?!? 乜 HiFi 要咁多舊o野o既咩 ?"
老虎	"超...! 你唔識o野就坐埋一便啦."
特首	"大家聽我講....呢舖大家疊埋心水做靚都得勒 !
廚神	"係呀係呀, 呢劑亞啦都唔係唔玩過HiFi, 不過我諗我都係坐埋一便做靚好 D 勒. "
撥火酒店	"噓, 咪執輸先, 第一時間霸番個皇帝位先 !"
屎棍超人	"哎..呀...! 我都唔輸蝕, 坐番個皇后位."

就係咁你一咀我一舌大家都乖乖咁一齊聽 Hi-Fi 了. 在這間試音室內, 雀爺的軟件存量可真驚人, 不論卅多年前的黑膠唱碟至現今的 CD, 都放滿了多個櫃內, 數不勝數. 一時間, 蔡琴呀, Simon & Garfunkel, 卡拉楊呀, Beatles呀, 鄧麗君呀 ..... 連不知名的日本歌呀, 聽到大家都出晒耳油, 靜係睇下特首個冧樣就知道認真唔o野少.

每邊聲道都由一部獨立擴音機推動, 而每部擴音機都淨重超過八十磅, 可想而知裡面的火牛是何等的份量.

呢個 CD盤 同埋個 解碼器, 我試過用手去接觸一下它們的威力, 嘩... 我呢個門外漢都不知用什麼形容詞來形容. 總之就係...... 一見機底下而用來承托用的避震倒錐形的金屬腳就知道利害.

這兩台膽機及在中央的電源濾波器, 實實在在顯示出亞雀爺玩 Hi-Fi 的認真之處實在唔係講笑. 唯一令我們擔心的是他的電掣房內的灰士箱內是否裝有足夠規格的跳掣.

其他的也不用多說, 就讓大家來看一看餘下的幾張圖片吧.

懷舊篇下集 - 卅年前的聽詩蘆不日上映

多佳五零二四 / Robyn 三錶頭駐波錶連 AM 調幅錶 / SuperStar 百二青勞