Firdagruppa
av Norsk Radio
Relé Liga
|
 |
Dette er heimesida til radioamatørane i
Firdagruppa.
Vi er ein radiointeressert gjeng som har til felles at vi
likar å setje oss inn i, byggje, og bruke radiosendarar
og antenner. Gjennom radioamatørlisens gjev hobbyen oss
høve til å kommunisere trådlaust på mange ulike
frekvensar heilt frå nedst i kortbylgjebandet og opptil
GigaHertz området.
|
NRRL står
for Norsk Radio Relé Liga, og organiserer radioamatørane
i Noreg. Liknande organisasjonar finst i dei fleste land.
Og sidan radiobylgjene går over landegrensene, så er
tildelinga av frekvensband samordna internasjonalt. Det er ein hard kamp
om tildeling av frekvensband i det avgrensa radiospekteret. Når NRRL
og systerorganisasjonane i andre land har fått igjennomslag for
ynskjer om segment i radiospekteret, syner det at eksperimenterande
radioamatørar i har mykje å tilføre samfunnet i form av
kunnskap og ressurs.
|
| |
Kven som vil kan bli radioamatør. Du må avlegge ei prøve for Noregs Post og Teletilsyn. Slike prøver vert arrangert fleire
stader med ujamne mellomrom. Du kan anten tileigne deg
nødvendige kunnskapar ved sjølvstudium, eller ta del i
eit eksamensretta kurs. Med lisenspapira i handa kan du
operere din eigen radiostasjon på ulike band etter dei
reglane som gjeld.
|
|
Dersom
du er interessert
i å finne ut meir om denne spennande og lærerike
hobbyen, ta kontakt med ein av oss i Firdagruppa, eller du kan vitje
NRRL si
hovudside. Der finn du også adresser til andre tilsvarande
grupper rundt om i Noreg.
|